दाङका दुई डीएसपीको सरुवा

दाङ :  दाङका दुई प्रहरी नायब उपरीक्षकको सरुवा भएको छ । जिल्ला प्रहरी कार्यालय दाङका प्रवक्ता तथा प्रहरी नायब उपरीक्षक मुकुन्द प्रसाद रिजाल र इलाका प्रहरी कार्यालय तुलसीपुरका प्रमुख प्रहरी नायब उपरीक्षक श्यामु अर्यालको सरुवा भएको हो ।

लामो समय जिल्लाको शान्ति सुरक्षामा खटिएका डीएसपी रिजाल जिल्ला प्रहरी कार्यालय अर्घाखाँचीको प्रमुख भएर जान लागेका हुन् भने अर्याल जिल्ला प्रहरी कार्यालय रूपन्देहीको प्रमुख भएर जान लागेका छन् । त्यस्तै इलाका प्रहरी कार्यालय तुलसीपुरमा अख्तियार दुरुपयोग अनुसन्धान आयोग केन्द्रीय कार्यालय प्रहरी महाशाखामा कार्यरत पुष्पराज मल्ल आउने भएका छन् ।