गिद्ध संरक्षण दिवसका अवसरमा वक्तृरत्वकला

दाङ :  १६ औं  अन्तराष्ट्रिय गिद्ध संरक्षण  दिवसका अवसरमा मावि स्तरीय वक्तृरत्व कला सम्पन्न भएको छ। पर्यावरणीय दिगो विकास एवं अनुसन्धान केन्द्र नेपालको आयोजनामा बुधबार  कार्यक्रम भएको थियो ।

संस्थाका कार्यवाहक अध्यक्ष जितलाल चौधरीको अध्यक्षतामा एवं तुलसीपुर उपमहानगरपालिकाका आर्थिक संयोजक एवं  वडा नम्बर १८ का वडाध्यक्ष  माधव वलीको  प्रमुख आतिथ्यता तथा सब डिभिजन बन कार्यालय बिजौरीका अधिकृत ईश्वरी बस्नेत र बिसिएनका भुपाल नेपालीको विशिष्ट आतिथ्यमा भएको थियोे ।

तुलसीपुरका वडा नम्बर १७, १८,१९ का गरी ११ वटा मावि का २१ जना छात्र छात्राहरूको वक्तृरत्व कला प्रतियोगितामा सहभागी भएका थिए । जसको निर्णायक मण्डलमा बुद्धिजीवी डिल्लिराज अधिकारी,  बिसिएनका जीव विज्ञ दिलिप चन्द रहेका थिए ।

प्रतियोगितामा प्रथम लक्ष्मी मावि हेमन्तापुरका  रक्षा खड्का,  दोस्रो   शान्त्वना शर्मा , तेस्रो जनकल्याण माविका धन्याल बस्नेत भएका थिए । प्रतियोगितामा  प्रथम , दोस्रो,  तेस्रो हुनेलाई नगद पुरस्कार स्वरुप क्रमशः ३ हजार , २ हजार १ हजार र  प्रमाण पत्र दिइएको थियोे ।

संस्थाकी सदस्य बालिका तिवारीको स्वागत मन्तव्यबाट सुरु भएको कार्यक्रमको सहजीकरण संस्थाकी अधिकृत साधना शर्माले गरेकी थिइन् ।