बँदेलको आक्रमणबाट एक जना घाइते

 

दाङ :  दाङमा बँदेलको आक्रमणबाट एक जना गम्भिर घाइते भएका छन् । बबई गाउँपालिका  ७ मलईका ३५ वर्षीय रेशम बाँठा मगरलाई बँदेलले आक्रमण गरेर घाइते बनाएको हो । बुधबार बिहान ३ बजे बारीमा मकै खान आएका बँदेल धपाउने क्रममा आक्रमण गरेको हो । बँदेलको आक्रमणबाट खुट्टा, हात, मुखमा चोट लागेको छ ।

घाइते मगरलाई राप्ती प्रादेशिक अस्पताल तुलसीपुर लगिएको छ । मलईमा बाँके राष्ट्रिय निकुञ्जका बँदेल बारीमा आएर मकै खाने गर्दछन् । बँदेलको आतङ्कबाट मलई बासीले सास्ती बेहोर्नु स्थानीय रूको गुनासो छ  । बँदेलले बारीमा उत्पादन गरेका मकै नष्ट गर्ने गरेको बँदेल धपाउन खोज्दा हरेक वर्ष  स्थानीयहरूलाई आक्रमण गरेर घाइते पार्ने गरेको छ ।