हिमाल एकाडेमीका कक्षा ११ मा अध्ययनरत विद्यार्थीलाई स्वागत

दाङ : हिमाल एकेडेमी तुलसीपुर दाङमा कक्षा  १२ मा अध्ययनरत  विद्यार्थीले कक्षा ११ मा अध्ययनरत  छात्रछात्रालाई शुक्रबार एक कार्यक्रमको आयोजना गरि स्वागत गरेका छन । विद्यालयका प्रधानाध्यापक मधुसुदन केसीको सभापतित्वमा सम्पन्न कार्यक्रममा प्रमुख अतिथि डाक्टर लोकराज पराजुलीले विद्यार्थीमा अनुशासन नैतिकता इमान्दारिता राष्ट्रप्रेम को भावना जागृत हुने शिक्षा आजको आवश्यकता भएको बताउँदै सोही अनुरूपको  शिक्षा  दिनुपर्ने बताए ।

उनले भने,‘ अबको शिक्षा   बजारमा बिक्ने हुनु पर्ने भएयता पनि  त्यसो हुन नसकेको बताए ।  उनले राज्य पनि युवा शक्तिलाई विदेश पठाइरहेको बताए ।  सो कार्यक्रममा सहायक प्रधानाध्यापक मुकेश कुमार शिक्षक,  भीम मरासिनीले बोलेका थिए । विद्यार्थीहरूले गीति,  नृत्य, गजल,  मुक्तक कविता प्रस्तुत गरेका थिए । विभिन्न खेलकुद कार्यक्रममा पुरस्कृत छात्र छात्रालाई सोही अवसरमा पुरस्कृत गरिएको थियो  । छात्रा कृशा जिसीको स्वागत  मन्तव्यबाट सुरु भएको कार्यक्रमको सहजीकरण  छात्रा मुना पाण्डे र छात्र  समीर सेन ठकुरीले गरेका थिए ।