ग्वारखोला नजिकै बस दुर्घटना

दाङ :  घोराही बाट आउँदै गरेको बस तुलसीपुरको ग्वारखोला नजिकै दुर्घटनामा परेको छ ।दुर्घटनामा परि तीन जना सामान्य  घाइते भएका छन् । घाइते हुनेमा बसका सहचालक घोराही उपमहानगरपालिका  १४ का २२ वर्षीय भुवन चौधरी, दंगीशरण गाउँपालिका  ५ की ६० वर्षीया प्रमी चौधरी, तुलसीपुर उपमहानगरपालिका  १९ की रुचा कराला, तुलसीपुर  १४ की ३२ वर्षीया गीता बस्नेत घाइते भएका छन् । चालक भने फरार छन् ।

इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक प्रकाश थापाका अनुसार घाइते सबैको तुलसीपुरस्थित राप्ती प्रादेशिक अस्पतालमा उपचार भइरहेको छ । घाइते सबैको अवस्था सामान्य रहेको पनि प्रहरीले बताएको छ । शुक्रबार दिउँसो १२ : २० बजेतिर घोराहीबाट तुलसीपुर तर्फ आउँदै गरेको रा १ ख १९५ नम्बरको बस तुलसीपुर  १९ ग्वारखोला नजिकै अनियन्त्रित भइ सडकको  बायाँतर्फ पल्टिएको थियो । फरार चालकको खोजी भइ रहेको र सहचालक प्रहरीको नियन्त्रणमा रहेको प्रहरीले बताएको छ ।