व्यवस्थापनमा गोरखा तुलसीपुर जिल्लामै उत्कृष्ट भएको दावी

दाङ : राष्ट्रिय परीक्षा बोर्डले शुक्रबार सार्वजनिक गरेको कक्षा १२ को परीक्षामा गोरखा सेकेन्डरी स्कुल तुलसीपुरले व्यवस्थापन सङ्कायमा जिल्ला उत्कृष्ट नतिजा ल्याएको दावी गरेको छ । स्कुलका व्यवस्थापन सङ्काय प्रमुख डम्बर डाँगीले यस्तो दावी गरेका हुन् । उनका अनुसार गोरखा तुलसीपुरबाट  कोमल केसीले ३.८५ जीपीए ल्याएर जिल्ला प्रथम भएकी हुन् ।

यो सहित विद्यालयले लगातार तीन वर्षसम्म जिल्ला हुन सफल भएको छ ।  विद्यालयबाट व्यवस्थापन सङ्कायमा ‘ए प्लस’ ल्याउनेमा ३५ जना, ‘ए’ ग्रेड ल्याउनेमा १२० जना, वि प्लस ५३ जना, ‘वि’ ग्रेडमा ४ जना रहेका छन् ।  त्यस्तै विज्ञान सङ्कायमा ‘ए प्लस ’मा ५ जना, ‘ए’ ल्याउनेमा १६९ जना, वि प्लस ल्याउने ४६ जना, वि ल्याउने १ जना रहेका छन् ।