यमुना स्मृति कप इन्टर स्कुल फुटसल प्रतियोगिता हुने 

 दाङ  :  यमुना स्मृति कप अन्डर १० क्लास इन्टर स्कुल फुटसल प्रतियोगिता २०८१ हुने भएको छ ।  समस्त यमुना परिवार तुलसीपुर ५ को आयोजनामा द लेजेन्ड फुटसल ग्राउन्ड तुलसीपुर ६ मा सञ्चालन हुने प्रतियोगिता यही साउन ११ गते देखि सुरु हुनेछ । २०७७ साल साउन ४ गते स्वर्गीय हुनु भएकी यमुना बागीको स्मृतिमा सञ्चालन गरिन लागिएको प्रतियोगितामा जिल्लामा स्थापित सामुदायिक तथा संस्थागत विद्यालयका गरि २० वढी टिमको सहभागिता रहनेछ ।

दुई दिन सम्म चल्ने प्रतियोगिताको विजेता, उपविजेता टिमले क्रमशः नगद ४० र २० हजार, कप, मेडल, प्रमाणपत्र हात पार्नेछन् । त्यसैगरी व्यक्तिगत विधा तर्फ उत्कृष्ट खेल प्रदर्शन गर्ने वेस्ट प्लेयर खेलाडीलाई नगद २५ सय, ट्रफी, प्रमाणपत्र प्रदान गरिनेछ, भने हाई स्कोर, वेस्ट किप्पर, र राइजिङ प्लेयरलाई क्रमशः जनही १५ /  १५ सय, ट्रफी, प्रमाणपत्र प्रदान गरिने समस्त यमुना परिवारका सदस्य सुरज डाँगीले जानकारी दिए ।  यसैबीच आयोजकले प्रतियोगिताको तयारी स्वरुप टिम दर्ता, प्रचार प्रसार, लगायतको कार्य लाई तिव्र पारेको छ ।