पत्रकार पुन पुरस्कृत

दाङ :  चलचित्र पत्रकारिता दिवस तथा चलचित्र पत्रकार संघ नेपालको २५ औ वार्षिकोत्सवका अवसरमा पत्रकार शिव पुन पुरस्कृत भएका छन् । नेपाल प्रेस युनियन दाङ शाखा कार्यसमिति सदस्य तथा चलचित्र पत्रकार संघ दाङ शाखाका निवर्तमान अध्यक्ष रहेका पत्रकार पुन सोमवार काठमाडौंमा भएको कार्यक्रममा राष्ट्रिय चलचित्र मोफसल पुरस्कार– २०८१ बाट नगद  २५ हजार राशीसहित पुरस्कृत भएका हुन ।

मोफसलमा रहेर चलचित्र क्षेत्रको विकासमा खेलेको भूमिकाको उच्च मूल्याङ्कन गर्दै पुरस्कृत गरेको हो ।चलचित्र पत्रकार संघ नेपालका केन्द्रिय अध्यक्ष समीर बलामीको अध्यक्षता तथा उपप्रधानमन्त्री तथा भौतिक पूर्वाधारमन्त्री रघुवीर महासेठको प्रमुख आतिथ्य एवं चलचित्र विकास बोर्डका अध्यक्ष भुवन केसीको विशिष्ट आतिथ्यमा भएको कार्यक्रम पत्रकार पुन पुरस्कृत भएका हुन ।