दाङ : नेपाली कांग्रेस दाङ जिल्लाको दोस्रो जिल्ला सम्मेलनको अवसरमा आयोजना गरेको रक्तदान कार्यक्रममा ११५ जनाले रक्तदान गरेका छन् । कांग्रेसको दोस्रो जिल्ला सम्मेलन चैत २९ अर्थात बिहीबार घोराही उपमहानगरपालिका १४ स्थित बहुउद्देश्यीय सभागृहमा हुँदैछ । उक्त दोस्रो जिल्ला सम्मेलनलाई कांग्रेसका केन्द्रीय सदस्य नेता डा। शेखर कोइराला लगायतका नेताहरूले सम्बोधन गर्दै छन् ।
नेपाली कांग्रेस दाङको आयोजनमा तथा नेपाल विद्यार्थी संघ दाङको व्यवस्थापक बुधवार पार्टी कार्यालयमा रगतको मागलाई ध्यान दिँदै सम्मेलनको अवसरमा रक्तदान आयोजना गरिएको सभापति शंकरप्रसाद डाँगीले जानकारी दिए । रक्तदान जीवनदान हो भन्दै बिरामीहरूलाई अत्यावश्यक पर्ने ब्लड जिल्लामा अभाव हुन नदिनका लागि नयाँ रक्तदाता उत्पादन गर्ने लक्ष्यका साथ रक्तदान आयोजना भएको नेपाल विद्यार्थी संघका केन्द्रीय सदस्य निरज गिरीले बताए ।
उनले अझैपनि धेरै बिरामीहरू रगतको अभावमा मृत्युको मुखमा पुग्न परेको भन्दै सक्षम व्यक्तिहरूले रक्तदान गरि पुण्य कमाउनुपर्ने समेत बताए । ११५ जना रक्तदाता मध्ये अठासी जना नयाँ रक्तदाता रहेका छन् ।रक्तदान नेपाल रेडक्रस सोसाइटी घोराहीको प्राविधिक सहयोगमा सम्पन्न भएको थियो ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
