दाङमा सवारी दुर्घटनामा परि दुई जनाको मृत्यु

दाङ :  दाङमा मोटरसाइकल र बोलेरो पिकअप एक आपसमा दुर्घटना हुँदा दुई जनाको मृत्यु भएको छ । मृत्यु हुनेमा  मोटरसाइकल चालक रोल्पा त्रिवेणी गाउँपालिका ५  बस्ने २१ वर्षीय विवेक पुन र सोही मोटरसाइकलमा सवार २४ को नेत्र भण्डारी रहेको जिल्ला प्रहरी कार्यालय दाङले जनाएको छ ।

बुधबार बिहान करिब ६ बजेतिर घोराही उपमहानगरपालिका १६ सर्रा स्थित तुलसीपुरबाट घोराही तर्फ आउँदै गरेको रा ५ प ५४५३ नम्बरको मोटरसाइकल र विपरित दिशाबाट आउँदै गरेको बा २ झ ३६५२ नम्बरको बोलेरो पिकअप एकआपसमा दुर्घटना हुँदा उक्त मोटरसाइकल चालक पुन र भण्डारी घाईते गम्भिर घाइते भएका थिए । 

उनीहरूलाई राप्ती स्वास्थ्य विज्ञान प्रतिष्ठान घोराही दाङमा उपचारको  लागि लगिएको  र उपचारको क्रममा करिब पौने ७ बजे  डाक्टरले मृत घोषणा गरेको जिल्ला प्रहरी कार्यालय दाङका  प्रवक्ता एवं डीएसपी जनक बहादुर मल्लले जानकारी दिए । उनका अनुसार  मोटरसाइकल, बोलेरो पिकअप र चालक रोल्पा त्रिवेणी गाउँपालिका २ का २९ वर्षीय निर्मल बुढालाई प्रहरीले नियन्त्रणमा लिई थप अनुसन्धान भइरहेको छ ।