१५७० कोरोना संक्रमित थपिँदा, ६१४६ मुक्त, १३ जनाको मृत्यु

काठमाडौँ  :  नेपालमा  पछिल्लो २४ घण्टामा थप १ हजार ५७० जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ७ हजार ८७४ जनाको पीसीआर परीक्षण गर्दा १ हजार २२ जना र ३ हजार ४९१ एन्टीजेन परीक्षण गर्दा ५४८ जना गरी कुल १ हजार ५७० जनामा कोरोना संक्रमण पुष्टि भएको हो ।

त्यस्तै  पछिल्लो २४ घण्टामा ६ हजार १४६ जना कोरोना मुक्त भएका छन् । योसँग हालसम्म ९ लाख १५ हजार ४८९ जना कोरोना मुक्त भएका छन् ।  त्यस्तै सोही अवधिमा  कोरोना सङ्क्रमणबाट थप १३ जनाको मृत्यु भएको छ । योसँगै कोरोना सङ्क्रमणबाट हाल सम्म ११ हजार ८२७ जनाले ज्यान गुमाएका छन् ।  त्यस्तै हाल देशभरमा ४० हजार १११ सक्रिय संक्रमित रहेको मन्त्रालयले जनाएको छ ।