सहिद दिवसको अवसरमा तुलसीपुर जेसिजद्धारा दीप प्रज्वलन

दाङ : तुलसीपुर नगर  जेसिजले आइतबार बेलुका दीप प्रज्वलन गरेको छ । नगर  जेसिजले सहिद दिवसको अवसरमा तुलसीपुर स्थित जेसिज चोकमा दीप प्रज्वलन गरेको हो । देशका लागि आहुती दिने ज्ञात अज्ञात सहिदहरूको बलिदानको उच्च सम्मान र सम्झनामा दीप प्रज्वलन गरिएको तुलसीपुर नगर  जेसिजले बताएको छ ।

तुलसीपुर नगर जेसिज का अध्यक्ष केशव राज केसीको अध्यक्षता तथा  जेसिज का राष्ट्रिय उपाध्यक्ष नेत्रलाल भट्टराईको प्रमुख आतिथ्यतामा दीप प्रज्वलन कार्यक्रम गरि  जेसिजले सहिद दिवस मनाएको जेसिजका नगर प्रवक्ता छवि कुमार वलीले बताए ।

कार्यक्रम संयोजक चेतन कँडेलको स्वागत मन्तव्यबाट सुरु भएको कार्यक्रमको सहजीकरण जेसिज का महासचिव पूर्ण विक्रम डाँगीले गरेका थिए ।