रुकुम : दुई बालकबीचको झगडाका क्रममा एक बालकको ज्यान गएको छ। भूमे गाउँपालिका–१, का ९ वर्षीय बालकसँगको झगडाका कारण ८ वर्षका बालकको ज्यान गएको प्रहरीले जनाएको छ। सोमबार दिउँसो गाई चराउन गएका साथी–साथीबीच कुटपिट भएको र ९ वर्षीय बालकले ८ वर्षकालाई कुटपिट गरी भिरबाट लडाइदिएको जिल्ला प्रहरी कार्यालयका प्रहरी उपरीक्षक (डिएसपी) गणेशबहादुर श्रेष्ठले जानकारी दिए।
घाइते बालकलाई सोमबार बेलुकी रुकुम पूर्व अस्पताल ल्याइएको थियो। अस्पताल पुर्याइएपछि ती बालकलाई अस्पतालले मृत घोषणा गरेको थियो। बालकका आफन्तले घाइते भनेर उपचारका लागि उनलाई अस्पताल ल्याएका थिए। ती ९ वर्षीय बालक र अर्का ८ वर्षीय बालकमाथि सोधपुछ थालिएको डिएसपी श्रेष्ठले बताए।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
