शान्तिनगरमा खुला फुटबल प्रतियोगिता हुँदै

 दाङ : शान्तिनगरमा खुला फुटबल प्रतियोगिता हुने भएको छ ।  शान्तिनगर गाउँपालिका वडा नं. १ मा रहेको एकता युवा क्लबको आयोजनामा आउँदो पुस २ गतेदेखि प्रथम एकता युवा क्लब खुला फुटबल प्रतियोगिता हुन लागेको क्लबले जनाएको छ ।

  शान्तिनगर १ मा रहेको पातिघार खेल मैदानमा आयोजना हुने र सहभागीको लागि ४ हजार टिम दर्ता  शुल्क तोकिएको  क्लबको जनाएको छ ।  प्रतियोगितामा प्रथम हुनेले नगद २० हजार, कप, मेडल र प्रमाणपत्र, दोस्रो हुनेले नगद ८ हजार , मेडल र प्रमाणपत्र पाउने समेत आयोजकले जनाएको छ ।  आयोजकका अनुसार सहभागीका लागि टिम दर्ता पुस १ गते २ बजे सम्म गरिसक्नु पर्ने छ ।