२ लाख बढि रकम सहित तास खेलिरहेको अवस्थामा १९ जना प‘क्राउ

दाङ :  दाङमा प्रहरीले जुवा तास खेलिरहेको अवस्थामा १९ जनालाई २ लाख बढि नगद सहित प‘क्राउ गरेको छ ।  तुलसीपुर उपमहानगरपालिका ८ दुधेना बस्ने दिनेश केसीको घरमा तास खेलिरहेको अवस्थामा सोही ठाउँका  ४० वर्षीय सुनिल काफ्ले लगायत ७ जनालाई शनिबार साँझ प्रहरीले प‘क्राउ गरेको प्रहरीले जनाको छ ।

 केसीको घरमा जुवातास खेलिरहेको भन्ने सूचनाका आधारमा इलाका प्रहरी कार्यालय तुलसीपुरबाट खटिएको प्रहरीले उनीहरूलाई नगद १ लाख ६८ हजार रुपैयाँ र ५ गड्डी तास सहित प‘क्राउ गरेको हो ।  यसैगरी तुलसीपुर  ९ दोघरे बस्ने सविता थापाको घरमा तास खेलिरहेको अवस्थामा तुलसीपुर ५ बस्ने ४१ वर्षीय नन्द लाल चौधरी लगायत १२ जनालाई शनिबार साँझ प्रहरीले प‘क्राउ गरेको छ ।

 थापाको घरमा जुवातास खेलिरहेको भन्ने सूचनाका आधारमा इप्रका तुलसीपुरबाट खटिएको प्रहरीले उनीहरूलाई नगद ७० हजार ९ सय ३० रुपैयाँ र १ गड्डी तास सहित प‘क्राउ गरेको हो ।