दाङ : बाँकेमा प्रहरीले एकनाले भरुवा बन्दुक र एक थान कटुवा पेस्तोल सहित एक जनालाई पक्राउ गरेको छ । पक्राउ पर्नेमा बाँकेको नरैनापुर गाउँपालिका ६ दोन्द्रागाँउ बस्ने ५० वर्षीय छोटेलाल राढ रहेको लुम्बिनी प्रदेश प्रहरी कार्यालय दाङले जनाएको छ । राढले हातहतियारको बिक्री बितरण गरि रहेको भन्ने सूचनाको आधारमा लुम्बिनी प्रदेश प्रहरी अनुसन्धान समुह दाङको प्रहरी टोली उक्त स्थानमा गइ उनलाई एकनाले भरुवा बन्दुक थान १ र सो बन्दुकमा लाग्ने छर्रा थान ३ र कटुवा पेस्तोल १ थान फेला पारी बिहीबार साँझ करिब ७ बजेतिर नियन्त्रणमा लिएको प्रहरीले जनाएको छ । उनलाई जिल्ला प्रहरी कार्यालय बाँकेमा राखी थप आवश्यक अनुसन्धान भइरहेको लुम्बिनी प्रदेश प्रहरी कार्यालयले जनाएको छ ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
