दाङ : दाङमा प्रहरीले चोरी भएको कारण सहित एक जनालाई पक्राउ गरेको छ । पक्राउ पर्नेमा तुलसीपुर उपमहानगरपालिका ५ न्युरोड बस्ने १७ वर्षीय नवीन सार्की रहेको जिल्ला प्रहरी कार्यालय दाङले जनाएको छ । करिब १४÷१५ दिन अगाडि धादिङबाट बा १६ ख ८७३५ नम्बरको कार चोरी भएको र उक्त कार मंगलबार तुलसीपुरमा फेला परेको जिल्ला प्रहरी कार्यालय दाङका प्रवक्ता एवं डीएसपी मुकुन्द प्रसाद रिजालले जानकारी दिए । उनका अनुसार इलाका प्रहरी कार्यालय तुलसीपुरको प्रहरी टोलीले सवारी साधन चेकजाँच गर्ने क्रममा सार्कीलाई उक्त कार सहित नियन्त्रणमा लिइएको हो । त्यस्तै प्रहरीले उक्त कार धनीलाई आवश्यक कागजपत्र लिएर जिल्ला प्रहरी कार्यालय दाङमा आउन समेत आग्रह गरेको छ ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
