दाङ : जनता समाजवादी पार्टी ( जसपा) तुलसीपुर नगर कमिटीले सोमवार विश्व रक्तदान दिवसको अवसरमा रक्तदान गरेको छ । कोराना महामारीको समयमा बिरामीहरूलाई रगतको अति आवश्यक पर्ने भएकाले रक्तदान दिवसका अवसर नगरकमिटीले रक्तदान कार्यक्रम गरेको तुलसीपुर नगर कमिटीका अध्यक्ष टोप बहादुर महतराले जानकारी दिए । महतराको अध्यक्षतामा भएको रक्तदान कार्यक्रममा पार्टीका केन्द्रिय सदस्य हरि प्रसाद रिजाल प्रमुख आतिथ्यतामा र जिल्ला सदस्य गीता विष्ट विशिष्ट आतिथ्यतामा भएको कार्यक्रममा १० जनाले रक्तदान गरेका छन् । पार्टीका वडा नंं ४ का अध्यक्ष बुद्धि प्रसाद तामाङ, नगर अध्यक्ष टोप बहादुर महतरा, दंगीशरण गाउँपालिकाका सल्लाहकार अनिल रसाइली, जिल्ला सदस्यहरू गीता विष्ट, मान बहादुर डाँगी, समाजसेवी खडक बहादुर थापा, पार्टीका सदस्य शंकरमान विष्ट हुन् । त्यस्तै, रमित पुन, नगर सह सचिव दीपक पोख्रेल, कमलराज पोख्रेलले रक्तदान गरेका हुन् । नगर कमिटी सचिव मोहन सिंह वलीको कार्यक्रममा स्वागत मन्तव्यबाट शुरु भएको कार्यक्रमको सहजिकरण सह सचिव दिपक पोख्रेलले गरेका थिए ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
