लागूऔषध मुद्दाका फरार युवक फेरि लागूऔषध सहित पक्राउ

दाङ : दाङमा प्रहरीले लागूऔषध ब्राउन सुगर सहित एक युवालाई पक्राउ गरेको छ । पक्राउ पर्नेमा  तुलसीपुर उपमहानगरपालिका १ भमके निवासी ३२ वर्षीय वीरबल गरङजा रहेको जिल्ला प्रहरी कार्यालय दाङले जनाएको छ ।
लागूऔषध (ब्राउन सुग)  मुद्दाका फरार गरङजालाई खोजतलास गर्ने क्रममा भमकेबाट शुक्रबार ११ बजे पक्राउ गरेको जिल्ला प्रहरी कार्यालय दाङका प्रहरी नायब उपरीक्षक तथा प्रवक्ता मुकुन्द प्रसाद रिजालले जानकारी दिए  ।  साथै उनले सलाइको बट्टा भित्र लुकाइ राखेको लागूऔषध ब्राउन सुगर १९ पुरिया (१ ग्राम ५०० मिलिग्राम) फेला परेको समेत उनले जानकारी दिए ।   उनलाई लागूऔषध कारोबार मुद्दा चलाइ थप अनुसन्धान भैरहेको प्रहरीले जनाएको छ ।