नेपालमा पछिल्लो २४ घण्टामा ६८२५ संक्रमित थपिए,५९०४ संक्रमणमुक्त, ७५ जनाको मृत्यु

काठमाडौं :  नेपालमा पछिल्लो २४ घण्टामा ६ हजार ८ सय २५ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा १८ हजार ५ सय ६२ जनाको पिसिआर परीक्षण गर्दा ५ हजार ८ सय २५ र ३ हजार २ सय ११ जनाको एन्टिजेन परीक्षण गर्दा १ हजार जनामा संक्रमण पुष्टि भएको हो। योसँगै कूल संक्रमितको संख्या ५ लाख ७६ हजार ९ सय ३६ पुगेको छ। गत २४ घण्टामा ५ हजार ९ सय ४ जना संक्रमणमुक्त भएका छन्। कोरोना पराजित गर्नेको कूल संख्या ४ लाख ६७ हजार ४ सय ६७ पुगेको छ। १ लाख १ हजार ८ सय ३९ जना सक्रिय संक्रमित छन्। उनीहरुमध्ये ९४ हजार ९ सय ९ जना होम आइसोलेसनमा छन् भने ६ हजार ९ सय ३० जना संस्थागत आइसोलेसनमा रहेको मन्त्रालयको तथ्यांक छ। गत २४ घण्टामा ७५ जनाको कोरोनाका कारण मृत्यु भएको छ। अहिले १ हजार ४ सय ४४ जना आइसियु र ३ सय ९८ जना भेन्टिलेटरमा उपचाररत रहेको मन्त्रालयले जनाएको छ ।