शान्तिनगरमा आइतबार ६ जनाले कोरोना जिते

दाङ :  शान्तिनगर गाउँपालिकामा आइतबार ६ जनाले कोरोना जितेका छन् । गाउँपालिकाका स्वास्थ्य संयोजक हरि पुनका अनुसार ६ जना कोरोना संक्रमित निको भएर डिस्चार्ज भएका हुन् । त्यस्तै, अहिले गाउँपालिकामा ५२ जना सक्रिय संक्रमितहरु रहेको उनले जानकारी दिए । ति मध्य ३ जना गाउँपालिकाले संचालन गरेको आइसोलेशन सेन्टरमा भर्ना भएका छन् । त्यस्तै, गाउँपलिकामा कुनै ब्यक्तिलाई कोरोना रोगको शंका लागेमा धनौरी स्वास्थ्य चौकीमा सम्पर्क गरि कोरोना रोगको परिक्षण गर्न समेत उनले अनुरोध गरेका छन् । साथै, गाउँपालिका भित्र होम आइसोलेशनमा रहेका सबै सक्रिय संक्रमितहरूलाई कुनै समस्या भएमा चिकित्सकलाई सम्पर्क गर्न समेत आग्रह गरेका छन् ।