शान्तिनगरमा मंगलवार ५ संक्रमित थपिए, थप ४ जना निको भए

दाङ :  शान्तिनगर गाउँपालिकामा मंगलवार नयाँ थप ५ कोरोना संक्रमित थपिए, भने थप ४ जना निको भएका छन् । संक्रमित हुने मध्ये २ जनाको पीसीआर परीक्षण गर्दा र ४ जनाको पालिकामा गरिएको एन्टिजेन विधिबाट परीक्षण गर्दा ३ जना कोरोना पुष्टि भएको गाउँपालिकाका स्वास्थ्य संयोजक हरी पुनले जानकारी दिए । साथै १ जनाको स्वास्थ्यमा समस्या देखिएपछि पालिकाको आइसोलेशनमा भर्ना गरिएको उनले जानकारी दिए । अन्य ४ जनाको स्वास्थ्य अवस्थासामान्य रहेकोले चिकित्सकको सम्पर्कमा रहन गरी होम आइसोलेशनमा पठाइएको संयोजक पुनले जानकारी दिए । त्यसैगरी गाउँपालिकाका अहिले सक्रिय संक्रमित संख्या ८३ जना पुगेको छ,भने आइसोलेशनमा ८ जना भर्ना भएका छन् । साथै उनले गाउँपालिका भित्र होम आइसोलेशनमा रहेका सबै सक्रिय संक्रमितहरूले कुनै समस्या भएमा चिकित्सक संग सम्पर्क गर्न समेत अनुरोध गरेका छन् ।