अन्तर विद्यालय स्तरिय एथलेटिक्स प्रतियोगिता हुने

                                                                                                                                                                       फाइल तस्बिर
लक्ष्मण बस्नेत,
दाङ : दाङको तुलसीपुरमा दाङ जिल्ला अन्तर बिधालय स्तरिय एथलेटिक्स प्रतियोगिता २०७७ हुने भएको छ । दाङ जिल्ला एथलेटिक्स संघको आयोजनामा संचालन गरिन लागेको प्रतियोगिता यहि चैत २८ गते बेल्झुण्डी रंगशालामा हुुनेछ । सबै खेलले मदर खेल को रुपमा लिने एथलेटिक्स खेलको विकास र बिस्तार गर्दै प्रतिभावान खेलाडी को पहिचान र विकास मा टेवा पुर्‍याउने उदेश्यका साथ प्रतियोगिताको आयोजना गरिएको दाङ जिल्ला एथलेटिक्स संघका अध्यक्ष गीता बस्नेत राईले जानकारी दिइन् । प्रतियोगितामामा जिल्लामा स्थापित निजि तथा सामुदायिक विद्यालयमा अध्ययनरत २० वर्ष मुनि उमेर समुहका छात्र र छात्राको सहभागिता रहने छ । एक दिने प्रतियोगितामा ट्रयाक तर्फ १००,२००, ८०० मिटर दौड र फिल्ड तर्फ सटपट र लङजम्प गरि ५ वटा ईभेन्ट्स मा कडा प्रतिस्पर्धा हुने छ । प्रतियोगितामा बिजेता,उपबिजेता र तृतीय स्थान हासिल गर्ने विद्यालयलाई ट्रफी तथा खेलाडीलाई नगद पुरस्कार,मेडल, प्रमाणपत्र प्रदान गरिने संघका सचिव लक्ष्मण बस्नेतले जानकारी दिए ।