• २०७७ फाल्गुन २१ गते शुक्रवार

व्यवसायिक एकता आजको आवश्यकता : पूर्वध्यक्ष श्रेष्ठ

Author Logo..
अनलाइन राप्ती २०७७ माघ ३ गते शनिवार


तुलसीपुर : तुलसीपुर उद्योग वाणिज्य संघका पूर्वध्यक्ष उत्तम कुमार श्रेष्ठले मानिसले आधारभुत आवश्यकताको लागि र केहि कमाउने सोचले व्यापार व्यबसाय गरे पनि त्यो आफ्नो नैतिकता र ईमान्दारी भित्र रहेर गर्नुपर्ने बताए । दुख र कष्ट सहेर व्यबसायमा होमिने व्यक्तिले वास्तविक रुपमा सफलता प्राप्त गर्न सक्ने उनको धारणा थियो । रोटरी क्लव अफ तुलसीपुर सिटीमा अतिथी वक्ताको रुपमा आएका श्रेष्ठले २०६० सालमा तुलसीपुर उद्योग वाणिज्य संघको नेतृत्व सम्हालेको बेला र २०६२ सालमा महासंघको केन्द्रिय सदस्य भएको बेला आफुले व्यवसायिक एकता र व्यवसायी बिच स्वच्छ प्रतिस्पर्धा हुनु पर्नेमा सधैं जोड दिएको बताए। उनले शिक्षा, स्वास्थ्य, बातावरण,खानेपानी, मातृशिशु र आर्थिक तथा सामाजिक बिकास लगायत हरेक आपत विपतको बेला रोटरी क्लब अफ तुलसीपुर सिटीले पुर्याएको योगदानको समेत खुलेर प्रशंसा गरे र साथै क्लबले गर्ने हरेक सामाजिक कार्यमा आफु हातेमालो गर्न तयार रहेको समेत बताए ।

श्रेष्ठलाई क्लबका पूर्व अध्यक्ष कुशल तर्तालले खादा ओढाएर स्वागत गरेका थिए , भने पूर्व अध्यक्ष बिमल रिजालले क्लबले स्थापना कालदेखी अहिले सम्म गरेका बिभिन्न सामाजिक गतिबिधीहरुको बारेमा जानकारी गराए । कार्यक्रममा पूर्व अध्यक्ष तुफानबाबु श्रेष्ठले अतिथी वक्ता श्रेष्ठको परिचय गराएका थिए ।  रोटरी क्लव अफ तुलसीपुर सिटीका अध्यक्ष सुरेश हमालको अध्यक्षतामा भएको कार्यक्रममा अध्यक्ष हमालले अतिथी वक्ता श्रेष्ठलाई मायाको चिनो प्रदान गर्दै उनले व्यवसाय संगै समाजसेवामा पुर्‍याउनु भएको योगदानको प्रसंशा गरे । रोटरियन दिपेश भण्डारीको स्वागत मन्तब्यबाट सुरु भएको कार्यक्रममा क्लबका भावी अध्यक्ष शिव श्रेष्ठले धन्यवाद ज्ञापन गरे । सहसचिव बुद्ध प्रकाश सिंहले सहजिकरण गरेको कार्यक्रममा क्लबका निवर्तमान अध्यक्ष देव बहादुर केसी, पूर्व अध्यक्ष राजेन्द्र प्रसाद श्रेष्ठ, प्रस्तावित अध्यक्ष यज्ञ बहादुर केसी, रोट्रयाक्ट क्लब अफ तुलसीपुरका अध्यक्ष प्रमिश लामिछाने लगायतको उपस्तिथि थियो ।

प्रतिक्रिया दिनुहोस
संबन्धित समाचार