नेपालमा थप १६ सय ७४ कोरोना संक्रमित थपिए, २३ सय २३ डिस्चार्ज, ७ जनाको मृत्यु

Author Logo..
अनलाइन राप्ती २०७७ मङ्सिर ६ गते शनिवार

काठमाडौं  :  नेपालमा पछिल्लो २४ घण्टामा थप १६ सय ७४ जनामा कोरोना पुष्टि भएको छ। यससँगै नेपालमा हालसम्म कुल संक्रमितको संख्या २ लाख १८ हजार ६३९ पुगेको छ। त्यस्तै, हाल सक्रिय संक्रमितको संख्या २४ हजार ९ छ । त्यस्तै विभिन्‍न आइसोलेसन र कोभिड अस्पतालहरूमा गरी थप ७ जना कोरोना संक्रमितको मृत्यु भएको छ।

यससँगै नेपालमा हालसम्म कोरोनाबाट मृत्यु हुनेको कुल संख्या १३ सय ५ पुगेको छ। स्वास्थ्य तथा जनसंख्या मन्त्रालयले उपलब्ध गराएको तथ्यांक जानकारीअनुसार आज देशभर २३ सय २३ जना संक्रमित कोरोनामुक्त भएका छन्। यससँगै कोरोनामुक्त हुनेहरूको कुल संख्या एक लाख ९३ हजार ३२५ छ। मन्त्रालयको तथ्यांकअनुसार २४ घण्टाभित्र देशभरका विभिन्‍न ल्याबमा जम्मा ८ हजार १४४ नमुना परीक्षण भएको छ। यससँगै हालसम्म देशभर १६ लाख ५२ हजार ४३ पिसिआर परीक्षण गरिएको पनि मन्त्रालयले तथ्यांकमा जनाएको छ।

प्रतिक्रिया दिनुहोस
संबन्धित समाचार