पत्रकारमाथि लुटपाट,कारर्बाहीको माग

दाङ : पत्रकार सबिता सुनारमाथि भएको लुटपाटमा संलग्नहरुलाई तत्काल पक्राउ गरि कारर्बाही गर्न नेपाल पत्रकार महासंघले स्थानीय प्रशासनलाई आग्रह गरेको छ ।
लुटेराहरुको खोजी गरि तत्काल कारर्बाह गर्न महासंघले माग गरेको छ । महासंघको एक प्रतिनिधि टोलीले इलाका प्रहरी कार्यालयमा गई ध्यानाकर्षण पत्र बुझाउने तयारी गरेको सहसचिब गोर्कण पौड्ेलले जानकारी दिए ।
तुलसीपुर स्थीत रेडियो हाम्रो पहुँच एफएममामा कार्यरत पत्रकार सुनारमाथि आइतबार बुलेकी एक समूहले लुटपाट गरेको हो । एफएमबाट समाचार बाचन गरि घर फर्कन क्रममा ओम शान्ती सिनेमा हलको नजिकै लुटपाट भएको सुनारले जानकारी दिइन् । सुनारका साथमा रहेको एक थान एन्ड्रोइड मोबाइल, केहि सुनका गरगहना लगाएत लुटपाट भएको हो ।  बाटोमा हिडिरहेकी उनीमाथि मोटरसाइकलमा आएका २ जनाले मोबाइल सहित कानमा लगाएको सुनका गहना समेत लुटपाट गरेका हुन् ।
घटना भएको स्थान लुम्बिनि प्रदेश प्रहरी कार्यालयको १०० मिटर नजिक हो ।  घटना लगत्तै प्रहरीले घटनास्थलमा आएर लुटपाट गर्ने समुहको खोजी गरेपनि अझै पत्ता लागेको छैन् ।  घटनाको विषयमा थप अनुसन्धान भइरहेको र दोषी उम्कन नपाउने इलाका प्रहरी कार्यालय तुलसीपुरका प्रमुख डिएसपी शिबबहादुर सिंहले जानकारी दिए ।  तुलसीपुरमा यसअघि पनि तुलसीपुर–४ माथिल्लो हलवारका भिम पौडेलको एण्ड्रोइड मोवाईल घोराही तुलसीपुर सडक खण्डको मोतिपुर नजिकबाट लुटपाट भएको हो ।