तुलसीपुरमा सामूहिक बलत्कार गर्ने तीन जना पक्राउ

तुलसीपुर : तुलसीपुरमा १७ वर्षीया बालिकालाई सामूहिक बलत्कार गर्ने तीन जनालाई पक्राउ परेका छन् । बुधबार विहान  तिर उनीहरुलाई पक्राउ गरिएको हो । इलाका प्रहरी कार्यालय तुलसीपुरका प्रमुख डिएसपी शिव बहादुर सिंहका अनुसार पक्राउ पर्नेमा तुलसीपुर उपमहानगरपालिका ५ रानीजरुवा निवासी १८ बर्षीय विष्णु बुढाथोकी, वडा नं. ७ का १८ वर्षीय करण नेपाली र वडा नं. ५ निवासी २० बर्षीय प्रकाश वली रहेका छन् ।तुलसीपुर उपमहानगरपालिका वडा नं. ७ डाँडापातुमा रहेको खाली घरमा लगेर असोज २२ गते राति सामूहिक बलत्कार गरेको भनि पीडित पक्षले उजुरी दिएपछि उनीहरुलाई पक्राउ गरिएको हो । उनीहरुविरुद्ध जबरजस्ती करणी सम्बन्धी मुद्दा चलाउने तयारी थालिएको छ ।।