गाउँ–गाउँमा सुरक्षा गस्ती सुरु

शरद रेग्मी
तुलसीपुर  : चाडपर्व नजिकिएसंगै गाउँ–गाउँमा सुरक्षा गस्ती सुरु गरिएको छ । चाडपर्वमा हुन सक्ने चोरी,लुटपाट र अन्य अपराधिक गतिबिधि नियन्त्रण गर्ने उदेश्यले इलाका प्रहरी कार्यालय हेकुली र दंगिशरण गाउँपालिकाले रात्रीकालिन गस्ती सुरु गरेका छन । इप्रका हेकुलीको प्रमुख कमल थापाका अनुसार टोल टोलमा गठन भएका सुरक्षा समितिहरुको सक्रियतामा घरेलु मदिरा ,जुवा तास नियन्त्रण गर्ने मुख्य उदेश्यका साथ काम गरिरहेको बताए ।

गाउँपालिकाका अध्यक्ष भागिराम चौधरी,स्थानिय टोल सुरक्षा समिति र प्रहरीको सयुक्त टोलीले हरेक गाउँ घरमा पुगेर सचेतना र सुरक्षा प्रदान गर्ने काम गरिरहेको छ । चाडपर्वहरु नजिकिएसंगै स्थानिय प्रशासनले सुरक्षा सतर्कता बढाएकोमा स्थानियहरु खुसी भएका छन ।