तुलसीपुरमा हाल सम्म २४१ जनामा कोरोना पुष्टि, ति मध्य समुदायका १०३ जना

तुलसीपुर : तुलसीपुरमा हाल सम्म १८० जना पुरुष र ६१ जना महिला गरी २४१ जनामा कोरोना संक्रमण पुष्टि भएको छ । विगत २४ घण्टामा उपमहानगरमा थप १० जनामा कोरोना संक्रमण पुष्टि भएको थियो । ति मध्य १०३ जना समुदायस्तरका रहेको उपमहानगरका कोभिड १९ फोकल पर्सन विमल केसीले जानकारी दिए ।

त्यस्तै उपमहानगरमा अहिले ५७ जना संक्रिय संक्रमितहरु रहेको उनीहरु मध्य ४३ जना होम आइसोलेसनमा, ३ जना भेरी आइसोलेसनमा, ११ जना होटलको आइसोलेसनमा रहेको केसीले जानकारी दिए ।

हाल ३५ सय १७ जना ब्यक्तिको स्वाब परीक्षण गरीएको र ति मध्य १ हजार ८३ जना समुदायस्तरका ब्यक्तिहरु रहेको उनले बताए । त्यस्तै अहिले समुदायिक क्वारेन्टाइनमा एक जना ब्यक्ति नभएको र होल क्वारेन्टाइनमा ४१ जना रहेको फोकल पर्सन केसीले जानकारी दिए । हाल सम्म समुदायिक क्वारेन्टाइनमा २ हजार ९६ जना ब्यक्तिहरु बसेको उनले जानकारी दिए ।