नेपाल पछिल्लो २४ घण्टामा थप १४ सय ९७ जनामा कोरोना संक्रमण पुष्टि

काठमाडौं : नेपालमा बिहिबार थप १ हजार ४९७ जनामा कोरोना संक्रमण पुष्टि भएको छ । यससँगै नेपालमा कुल संक्रमितको संख्या ६९ हजार ३०१ जना पुगेको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले नेपालमा थप १ हजार ४९७ जनाको कोरोना पुष्टि भएको बताए ।

होम आइसोलेसनमा ९ हजार ८ सय २३ र संस्थागत आइसोलेसनमा ८ हजार ६ सय १४ रहेको छ । अहिले देशका विभिन्न आइसोलेसनमा १८ हजार ४३७ जना संक्रमित उपचाररत छन् । गत २४ घण्टामा ४ हजार ५७ जना डिस्चार्ज भएका छन् भने आजसम्म डिस्चार्ज हुनेको संख्या ५० हजार ४११ पुगेको छ ।

आज थप १७ जना कोरोना संक्रमितको मृत्यु भएको छ । नेपालमा कोरोनाका कारण मृत्यु हुनेको संख्या ४५३ जना रहेको छ । बिहिबार पीसीआर विधिबाट ११ हजार ४४९ जनाको कोरोना परीक्षण भएको छ । अहिले देशभरीका विभिन्न क्वारेन्टाइनमा ६ हजार ५ सय ६५ जना रहेका छन् ।