एससीसी खारेजीको माग गर्दै बबईदेखी घोराही सम्म साइकल यात्रा

प्रेम केसी
बबई : पश्चिम दाङका एक युवकले अमेरिकी मिलेनियम च्यालेन्ज कर्पोरेसन (एमसीसी)को खारेजीको माग गर्दै साइकल यात्रा शुरु गरेका छन् । बबई गाउँपालिका ७ ढोलपुरका भक्त डाँगीले बबई ५ बबरपुरबाट बुधवारदेखी शुरु गरेको साइकल यात्रा शुरु गरेका छन् । उनको यात्रा अहिले घोराही सम्म मात्र रहेको समेत उनले बताए ।

सर्वपक्षीय स्वतन्त्र युवा संगठन दाङका संयोजक समेत रहेका डाँगीले आफ्नो यात्रा असोज ९ गते घोराहीमा पुगेर सकिने समेत बताए । उनले यात्राको क्रममा बबई गाउँपालिका, शान्तिनगर, दंगीशरण, इप्रका खिलतपुर, हेकुली , तुलसीपुर र घोराही उपमहानगरमा एमसीसी खारेजीको माग गर्दै ज्ञापन पत्र बुझाउने समेत बताए ।

पहिलो दिन आज बबई गाउँपालिकाका अध्यक्ष भुवनेश्वर पौडे्ललाई बुझाएका छन् । उनले एमसीसी चाहिदैन् देश मास्न पाइदैन् भन्दै ५५ अर्ब पाउने लोभमा नेपालको स्वाभिमान सहित स्वाधिनता दाउमा रहेको भन्दै खारेजी गर्ने पर्ने माग गरेका छन् । त्यसैगरी नेपाली जनताको चाहना विपरीत एमसीसी पास गर्न भुमिका खेल्ने विरुद्ध जस्तो सुकै संघर्ष गर्न तयार रहेको समेत चेतावनी दिएका छन् ।