संविधान दिवसको अवसर पारेर मैत्रिपुर्ण ब्याडमिन्टन प्रतियोगीता सुरु

तिर्थराज ज्ञवाली
देउखुरी दाङ :  संविधान दिवस (राष्ट्रिय दिवस) हर्षोल्लासका साथ मनाऔं, घर घरमा राष्ट्रिय झण्डा फहराऔं’ भन्ने मुल नारा सहित मौत्रिपुर्ण ब्याडमिन्टन प्रतियोगीताको आयोजना गरिएको छ ।
संविधान दिवश २०७७ को अवसरमा राप्ती गाउँपालिकामा कार्यरत कर्मचारीहरुविच ब्याडमीन्टन प्रतियोगीताको आयोजना गरिएको हो ।
राप्ती गाउँपालिका अध्यक्ष नुमानन्द सुवेदीको अध्यक्षतामा शुक्रवार सुरु भएको खेलमा ब्याडमीन्टन प्रतियोगीतामा १६ टिमको सहभागीता रहेको छ ।

संविधानको मर्म अनुसार नागरिकको सेवामा प्रतिवद्ध रहने प्रतिबद्धताका साथ काम गर्न गाउँपालिका अध्यक्ष सुवेदीले कर्मचारीलाई अनुरोध गरे । गाउँपालिकाले असोजको २ गते देखी ४ गते सम्म घरघरमा दीप प्रज्वलन गर्न र राष्ट्रिय झण्डा फहराउ सबैमा अनुरोध गरेको छ ।
संविधान दिवशको अवसरमा सुरु भएको ब्याडमिन्टन प्रतियोगीताको विजेता टिमलाई ३ गते समापन कार्यक्रममा आकर्षक पुरस्कार र प्रमाणपत्र प्रदान गरिने गरिने अधिकृत विकास ज्ञवालीले जानकारी दिए ।