२५ टन भार क्षमताका सडकमा २०० टन गुढदा कम्जोर बन्दै

सुशील बस्नेत

दाङ :  घोराही लमही सडकखण्डमा सडकको केही भागमा क्षति पुग्दा आवगमनमा असजिलो भएको छ । लमही नगरपालिका वडा नम्वर ६ कुलमोहर देखि झण्डै दुई किलो मिटर अगाडी सडकको छेउको भाग भासीएको छ । किनारामा पहिरो गएको कारणले झण्डै १३ मिटर भत्कीएकको छ भने कम्तीमा पनि २० मिटर सडकमा क्षति पुगेको छ । हालको अबस्था अनुसार २५ लाख बढी खर्च आउने देखिएको छ ।

सडकमा क्षति हुनुका बिभिन्न कारण हुन सक्ने डिभिजन सडक कार्यालय घोराहीले जनाएको छ । सडकको आयु ३५ बर्ष बढी हुनु,सडकको क्षमताभार २०र२५ टन मात्र भएकोमा ५० टन सम्म ढुवानी भएका साधन सञ्चालन हुन,ठुला मेसीन ढुवानी गरेका २ सय टनका गाडी कहिलेकाही चल्नु,नियमीत बर्षाका कारणले पनि उक्त सडकमा क्षति पुगेको हुन सक्ने डिभिजन सडक कार्यालय घोराहीका सव–ईन्जीनियर महेश बिकले जानकारी दिए । सडकमा क्षति पुगेपछि एकतर्फ आवगमन गराएको छ ।

फोरलेनको सडक निर्माणको कार्यशुरु हुन गएकाले निर्माण कार्य पनि सोही ठेकेदार कम्पनिले गर्ने डिभिजन सडक कार्यालयले जनाएको छ । सडकको क्षतिको बारेमा प्रारम्भिक अध्ययन गर्न डिभिजन सडक र फोरलेन सडक निर्माण कम्पनिको प्राबिधिक टोलीले गरिसकेको छ ।  फोरलेन सडक निर्माण कम्पनिले मर्मतको कार्य एक दुई दिन पछि हुने डिभिजन सडक कार्यालयले गर्ने जनाएको छ ।