घोराही – लमही सडक भासियो

दाङ : लमही घोराही सडक एक्कासि भासिदा दुर्घटनाको जोखिम बढेको छ । आइतवार विहान ५ बजे लमही नगरपालिका वडा नम्बर ६ कुलमोहर देखि करिब दुई किलोमिटर अगाडि पक्की सडक एक्कासि भासिदा सडकमा गुड्ने सवारीसाधनका लागि दुर्घटनाको जोखिम बढेको हो ।सडकको दायाँ पट्टीको भाग पुरै भासिएर खोलामा पहिरो खसेको छ । सडक भासिदा दुबै तिर चिराचिरा परेको छ । लमही घोराही सडक खण्ड अहिले एकतर्फी मात्रै संचालनमा छ ।