नेपालमा थप ५२५ जनामा कोरोना संक्रमण पुष्टि

काठमाडौं  :  नेपालमा थप ५२५ जनामा कोरोना संक्रमण पुष्टि भएको छ । पछिल्लो २४ घण्टामा देशभरका ३८ वटा प्रयोगशालामा गरिएको ९ हजार ८५९ जनाको पीसीआर परीक्षणमा थप ५२५ जना संक्रमित भएका हुन् । योसँगै नेपालमा कोरोना संक्रमितको संख्या २४ हजार ९५७ पुगेको छ ।

यस्तै एकै दिन थप ४ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए । योसँगै नेपालमा कोरोनाले मृत्यु हुनेको संख्या ९५ पुगेको छ । यस्तै पछिल्लो २४ घण्टामा १०९ जना संक्रमण मुक्त भई घर फर्किएको मन्त्रालयका प्रवक्ता गौतमले जानकारी दिए । योसँगै नेपालमा कोरोना संक्रमण भएर निको हुनेको संख्या हालसम्म १६ हजार ८३७ पुगेको छ ।

योसँगै अस्पतालमा उपचारारत सक्रिय संक्रमितको संख्या ८०२५पुगेको छ । काठमाडौं उपत्यकामा थप १२७ जनामा कोरोना संक्रमण पुष्टि भएको छ ।  त्यसैगरी  स्वास्थ्य तथा जनसंख्या मन्त्रालयका अनुसार काठमाडौंमा १११, ललितपुरका ११ र भक्तपुरका ५ जना गरी १२७ जना संक्रमित थपिएका छन् ।