कोरोना संक्रमणबाट धनुषामा थप एक जनाको मृत्यु

काठमाडौं :  कोरोना संक्रमणबाट धनुषामा थप एक जनाको मृत्यु भएको छ । विदेह नगरपालिका वडा नम्बर आठका ६० वर्षीय पुरुषको कोरोना संक्रमणबाट मृत्यु भएको हो ।

कोरोना विशेष अस्पताल जनकपुरमा २० दिन देखि आइसीयूमा उपचाररत पुरुषको गएराति मृत्यु भएको हो । मृतक देश बाहिर कतै नगएका ब्यक्ति हुन् । पछिल्लो समय धनुषामा समुदाय स्तरमा कोरोना फैलिसकेको अनुमान गरिएको छ ।

यसअघि आइतबार मृत्यु भएका एक पुरुषमा सोमबार कोरोना पुष्टि भएको थियो ।