बबई नदिले बगाउँदा एक वृद्धको मृत्यु

दाङ :  बबई नदिले बगाउँदा एक वृद्धको मृत्यु भएको छ । मृत्यु हुनेमा दंगीशरण गाउँपालिका ७ सिमठाना निबासी ७० बर्षका विष्णुलाल चौधरी रहेको ईलाका प्रहरी कार्यालय तुलसीपुरले जानकारी दिएको छ ।

भैंसी गोठालोबाट फर्किने क्रममा सोमबार साँझ ४ बजे बबई नदिमा बगेर वेपत्ता भएका चौधरीको खोजतलास गर्ने क्रममा मंगलवार बिहान ७ बजे ओदाले भन्ने स्थानमा मृत अवस्थामा भेटिएको ईलाका प्रहरी कार्यालय तुलसीपुरका प्रमुख डिएसपी शिवबहादुर सिंहले जानकारी दिए ।