• २०७७ कार्तिक ७ गते शुक्रवार

भारतमा कोरोना संक्रमितको संख्या १४ लाख ८२ हजार ५०३ पुग्यो

Author Logo..
अनलाइन राप्ती २०७७ साउन १३ गते मङ्गलवार

काठमाडौं, १३ साउन :  विश्वभर महामारीको रुपमा फैलिएको   कोरोना भाइरस भारतमा दिन प्रतिदिन तिव्रगतिमा फैलिएको छ । सोमबारको तुलनामा ४ हजार कम संक्रमित थपिएका छन् । सोमबार सर्वाधिक ५० हजारभन्दा बढी संक्रमित भएकामा मंगलबार ४६ हजार ४८४ जनामा संक्रमण पुष्टि भएको छ ।

यसअघि आइतबार, शनिबार र शुक्रबार लगातार ४८ हजारभन्दा बढी संक्रमित भेटिएका थिए । भारतमा कुल संक्रमित संख्या १४ लाख ८२ हजार ५०३ पुगेको छ । यो संख्या विश्वकै तेस्रो धेरै तथा एसियामा सबैभन्दा बढी हो ।

संक्रमितमध्ये अहिलेसम्म ९ लाख ५३ हजार १८९ संक्रमणमुक्त भएका छन् भने ४ लाख ९५ हजार ८६६ जनाको उपचार भइरहेको वर्ल्डोमिटर्सले जनाएको छ ।
कोरोना संक्रमणकै कारण भारतमा पछिल्लो २४ घण्टामा ६३६ जनाको मृत्यु भएपछि मंगलबार बिहानसम्म ज्यान गुमाउनेको ३३ हजार ४४८ पुगेको छ ।

प्रतिक्रिया दिनुहोस
संबन्धित समाचार