घोराहि र तुलसीपुर क्षेत्रमा लायन्स चोक स्थापना हुदै

शरद रेग्मी
दाङ, ८ साउन : दाङको घोराहि र तुलसीपुर क्षेत्रमा लायन्स चोक स्थापना हुने भएको छ । बिगत दुई दशक देखि जिल्लामा निरन्तर रुपमा सक्रिय रहेको अन्तराष्ट्रिय सामाजिक संस्था लायन्स क्लबले पहिलो पटक आफ्नो पहिचान सहितको प्रतिक्षालय निर्माण गर्न लागेको यरिया नम्बर ५ का संयोजक युबराज थपलियाले जानकारी दिए । स्थानिय निकायसगंको सहकार्यमा जिल्लाका बिभिन्न स्थानहरुमा सुबिधायुक्त चोक स्थापना गर्ने तयारिमा रहेको उनले बताए ।

बिहिबार घोराहिमा बसेको बैठकले स्थानको छनौट र बिभिन्न सरोकारवालाहरुसगंको समन्वय गर्न निबर्तमान अध्यक्ष लब अधिकारिको सयोजकत्वमा ५ सदस्य समिति समेत गठन गरेको छ । जसको सदस्यहरुमा जिल्लाका सबै लायन्स क्लबहरुका अध्यक्षहरुलाई चयन गरिएको छ । त्यस्तै बैठकले यरियाका कार्यक्रमहरुलाई ब्यबस्थित गर्न भरतराज देबकोटालाई सचेतकको जिम्मेवारी प्रदान गरिएको छ । त्यस्तै यरिया नम्बर पाचको मिडिया संयोजकमा रिपोटर्स क्लब दाङका अध्यक्ष शरद रेग्मीलाई चयन गरिएको एरिया नम्बर ५ कि सचिब सरस्वती सुबेदीले जानकारी दिइन् ।