तुलसीपुर : ईलाका प्रहरी कार्यालय तुलसीपुरले ज्यान मार्ने उद्योगमा फरार रहेका २ जनालाई पक्राउ गरेको छ । २०७६ माघ ४ गते तुलसीपुर ६ का २२ बर्षका जीत बहादुर मल्ललाई तुलसीपुर १२ कप्रादेवीमा ज्यान मार्ने उदेश्यले ५ जना युवाहरु खुकुरी प्रहार गरी घाईते बनाई फरार भएका थिए ।
तुलसीपुर ५ का १९ बर्षीय खिम बहादुर बिक, सोही ठाउँका १९ बर्षीय दिलिप परियार, २० बर्षीय चुर्ण बहादुर मगर , २० बर्षीय निराजन खड्का र २० बर्षीय रोशन थापामगरले मल्ललाई धारिलो हतियार खुकुरी प्रहार गरेका थिए ।
तत्काल प्रहरीले खिम बहादुर र दिलिपलाई पक्राउ गरेको थियो । खिम बहादुर नाबालक भएकोले साधारण तारेखमा छुटेको र दिलिपलाई २५ हजार धरौटीमा अदातलतले छोड्न आदेश दिएको भएता पनि उक्त धरौटी तिर्न नसकी कारागार चलान भएका थिए ।
त्यसैगरी सोही घटनामा अन्य फरार रहेका चुर्ण बहादुर, निराजन र रोशनलाई खोज तलास गर्ने क्रममा यहि २५ गते खड्का र थापामगरलाई तुलसीपुर बसपार्कबाट पक्राउ गरेको
ईलाका प्रहरी कार्यालय तुलसीपुरका प्रहरी निरीक्षक तथा प्रवक्ता चक्र डमरपालले जानकारी दिए ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
