• २०७७ कार्तिक ६ गते बिहिवार

तुलसीपुरमा बालबालिकालाई रोटा विरुद्धको खोप सेवा दिईने

Author Logo..
अनलाइन राप्ती २०७७ असार २६ गते शुक्रवार

तुलसीपुर, आगामी साउन महिना देखी तुलसीपुरमा बालबालिकालाई रोटा विरुद्धको खोप सेवा दिईने भएको छ । झाडापखलाको संक्रमणबाट बच्नका लागी खोप दिन लागीएको हो । रोटा झाडापखलाको एक भाईरस हो ।

तुलसीपुर पमहानगरपालिका जनस्वास्थ्य निरीक्षक बिमल केसीका अनुसार छ हप्ता पुगेका बालबालिकालाई दिईने नियमित खोप अन्र्तगत रोटा विरुद्धको खोप दिन लागीएको हो ।
रोग प्रतिरोधात्मक क्षमता बढाउनका लागी बालबालिकालाई दिईने विभिन्न खोप अन्र्तगत ६ हप्ता र १० हप्ता पुगेका बालबालिकालाई यस पटक यो खोप पनि दिन लागीएको हो ।

त्यसका लागी आबश्यक तयारी थालिएको निरीक्षक केसीले बताएका छन् । पहिलो चरणमा नगरका स्वास्थ्य संस्थाका स्वास्थ्यकर्मीलाई तालिम दिईएको छ । साथै नियमित खोप कार्यक्रममा सहभागी भएका खोपकार्यकर्तालाई पनि प्रशिक्षण दिएर परिचालन गरिने छ ।


बालबालिकाहरुलाई नियमित खोप लगाउन आएको समयमा रोटा विरुद्धको खोप पनि दिईने छ । नियमित रुपमा खोप दिदै आएका सरकारी स्वास्थ्य संस्था र केहि निजि अस्पतालबाट पनि खोप दिईने केसीले बताएका छन् ।

प्रतिक्रिया दिनुहोस
संबन्धित समाचार