घोराहीका जनप्रतिनिधीबाट १५ लाख बढि रकम प्रकोप कोषमा जम्मा

Author Logo..
अनलाइन राप्ती २०७७ असार २६ गते शुक्रवार


घोराही, २६ असार
: घोराही उपमहानगरपालिकाका जनप्रतिनिधीहरुले १५ लाख २० हजार रुपैयाँ नगरको प्रकोप व्यवस्थापन कोषमा जम्मा गर्ने निर्णय गरेका छन् । नगर कार्यपालिकाको ८६ औँ बैठकले जनप्रतिनिधीहरुको एक महिनाको सेवा सुविधा बापतको १५ लाख २० हजार रुपैयाँ प्रकोप व्यस्थापन कोषमा जम्मा गर्ने निर्णय गरेको हो ।

नगर प्रमुख नरुलाल चौधरीको अध्यक्षतामा बसेको बैठकले नगर प्रमुख, उपप्रमुख, वडा अध्यक्ष, कार्यपालिका सदस्य र वडा सदस्यहरुले एक महिनाको सेवा सुविधाको रकम कोषमा जम्मा गर्ने निर्णय गरेको प्रबक्ता भरत अर्यालले जानकारी दिए ।

प्रदेश सरकारले पारित गरेको स्थानिय तहका पदाधिकारी र सदस्यहरुले पाउने सुविधा सम्बन्धि ऐन २०७६ बमोजिम पाउने सुविधाको एक महिनाको रकम १५ लाख २० हजार जम्मा गर्ने निर्णय भएको हो ।

प्रतिक्रिया दिनुहोस
संबन्धित समाचार