• २०७७ मङ्सिर ११ गते बिहिवार

तुलसीपुरको न्यायिक समितिमा एक बर्षमा ८३ वटा मुद्धा दर्ता

Author Logo..
अनलाइन राप्ती २०७७ असार २४ गते बुधवार

तुलसीपुर, तुलसीपुर उपमहानगरपालिकाको न्यायिक समितिमा एक बर्षको अबधिमा ८३ वटा मुद्धा दर्ता भएका छन् । ईज्जत अनुसार खान लाउन नदिएको ४४,गाली बेईजती ६,जग्गा बिबाद १०,कुटपिट १,ज्याला मजदुरी दिलाई पाँउ ८,जेष्ठ नागरिकलाई पालन पोषण र हेरचाह नगरेको २,कुलो बिबाद ८,नावालकलाई खान लगाउन नदिएको २,प्रदुषण रोकाई पाँउ २ वटा मुद्धा दर्ता भएका हुन् ।


ति मध्ये मिलापत्र ३२ वटा,न्यायिक समितिको ईजलास,छलफलबाट निरुपण भएका ११ वटा बिबाद,दावी फिर्ता लिएका १ वटा बिबाद,मेलमिलाप आदेश भई प्रक्रियामा गएका बिबादको संख्या १५,बिबाद दर्ता गराई न्यायिक समितिले सम्पर्क गर्दा समेत १३ वटा सम्पर्कमा नआएका र बिबाद दर्ता भएको तर बन्दाबन्दीको कारण प्रक्रिया अगाडी नबढेका ११ वटा रहेका न्यायिक समितिका संयोजक माया आचार्यले बताईन् ।


बुधबार उपमहानगरपालिकामा गरिएको पत्रकार सम्मेलन मार्फत जानकारी गराउनुहुदै उपप्रमुख एंव न्यायिक समितिका संयोजक आचार्यले लैङिगक हिंसा प्रभाबित कोष स्थापना गरिएको समेत बताईन् । कोषमा हाल सम्म ३ लाख रुपैया जम्मा भईसकेको र संकलन अभियान जारि रहेको बताईन् । त्यस्तै,लैङिक हिंसा न्यूनिकरण गर्नका लागि १६६०८२१८००१ पैसा नलाग्ने टोलफ्रि नम्वर आज बुधबारदेखि तुलसीपुर उपमहानगरपालिकामा सञ्चालनमा ल्याइएको छ ।

न्यायिक समितिमा बिबाद दर्ता गराएका हिंसापिडितलाई मानसिक स्वास्थ्य समस्या घटाउन मनेसामाजिक परामर्श सेवा सञ्चालन गरिएको न्यायिक समितिले जनाएको छ । त्यसका लागि एक जनाले आबद्ध भई सेवा दिन शुरु गरिसकेको र अर्का एक जनालाई प्रशिक्षणमा पठाईएको संयोजक आचार्यले बताईन् । गत आर्थिक बर्ष २०७५/ ७६मा १ सय १८ वटा दर्ता भएका मुद्धामा मिलापत्रबाट फछ्यौट ६०,निर्णयबाट फछर्यौट ४८ र सहमती अनुसार १० वटा दावी छोडेका थिए ।

यस्तै,आर्थिक बर्ष २०७४÷७५मा ६३ वटा मुद्धा दर्ता भएकोमा मिलापत्रबाट ३५ वटा र निर्णयबाट २८ वटा फछर्यौट भएका थिए । तेस्रो बर्ष भौतिक संरचनाहरु बनाएको भएपनि ईजलास सञ्चालन गर्दा आबश्यक पर्ने गोप्य कोठाको आभाबका बाबजुत पनि खालि कोठा खोज्दै न्याय निरुपण (कारबाही र किनारा) लगाउने काम भईरहेको संयोजक आचार्यले बताईन् । । तर पनि बिबादीत पक्षलाई पठाईएको तामेली नबुझ्ने,बुझेपनि प्रहरी र अदालतको जस्तो केही पनि गर्न नसक्ने प्रबृत्तिका कारण समस्या भईरहेको समेत उनले बताईन् ।

प्रतिक्रिया दिनुहोस
संबन्धित समाचार