दाङ : नेत्रविक्रम चन्द्र ‘विप्लव’ नेतृत्वको नेकपाका केन्द्रीय सदस्य तथा मध्यपश्चिम कमाण्ड इञ्चार्ज चन्द्रबहादुर चन्द ‘बीरजंग’लाई प्रहरीले पुन : पक्राउ गरेको छ । संगठित अपराधसम्वन्धी मुद्धामा सोमवार दाङ देउखुरी जिल्ला अदालतमा १५ हजार धरौटी बुझाएर रिहा भएका चन्दलाई प्रहरीले पुन : पक्राउ गरेको हो ।
उनलाई प्रहरीले संगठित अपराध सम्वन्धी मुद्धामा पुन काभ्रे जिल्ला पठाएको छ । पक्राउ परेका चन्दलाई राज्य विरुद्धको संगठिक अपराधमा काभ्रे जिल्लामा मुद्धा भएकाले प्रहरीले पक्राउ गरेको बताइएको छ ।
चन्द गएको असोज ३० गते राती नेपाल–भारत सीमा नाका अन्तर्गत दाङको राजपुर गाउँपालिका ४ को मुग्रेठाबाट पक्राउ परेका थिए । राप्ती व्यूरोका बैठकबाट चन्दसहित नेकपाका २१ जना नेता तथा कार्यकर्ताहरु पक्राउ परेका थिए । पक्राउ परेका अन्य भने रिहाई भैसकेका छन् ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
