तुलसीपुरबाट ८५ हजार नगद सहित ४ जना जुवाडे पक्राउ

तुलसीपुर : तुलसीपुरबाट प्रहरीले ८५ हजार नगद सहित ४ जना जुवाडेलाई पक्राउ गरेको छ । ईलाका प्रहरी कार्यालय तुलसीपुरले तुलसीपुर ६ हात्तीखौवा स्थित गोमा कडेलेको घरमा भाडाँ लिएर बस्ने तुलसीपुर ५ बस्ने ४५ बर्षीय मोहम्मद अनिस कुरेसीको कोठामा विहीबार दिउँसो साढे २ जुवा खेलिरहेको अबस्थामा ८५ हजार ४५ रुपैँया नगदसहित ४ जुवाडेलाई पक्राउ गरेको जनाएको छ ।

उनीहरुको साथबाट जुवा खेल्न प्रयोग भएको तन्ना १ थान, खोलेको तास २ थान बरामद गरिएको छ । उनीहरुलाई कानुनी कारवाही अघि बढाईएको प्रहरीले बताएको छ ।