तुलसीपुरका एक ब्यक्तिको साउदी अरेवियामा मृत्यु

तुलसीपुर : तुलसीपुरका एक ब्यक्तिको साउदी अरेवियामा मृत्यु भएको छ । तुलसीपुर उपमहानगरपालिका ६ मोतिपुर निवासी ५० बर्षीय डिल्ली राज बुढाथोकीको शुक्रबार विहान ८ बजेतिर मृत्यु भएको हो । तुलसीपुर उपमहानगरपालिका ६ का वडा सदस्य दुजमान भण्डारीका अनुसार उनको कोठामा मृत्य अवस्थामा अबस्थामा फेला परेका थिए । मृतक बुढाथोकी साउदी अरेविया रियाद दमानको अजमिन कम्पनीमा काम गर्दै आएका थिए । उनी करिब १९ महिना अगाडी साउदी गएका थिए ।

त्यसैगरी मृतक बुढाथोकीको शबलाई नेपाल ल्याईदिन परिवारले नेपाल सरकारलाई आग्रह गरेका छन् । केही समयदेखि उनीमा दमको समस्या रहेको पारिवारीक स्रोतले जानकारी दिएको छ । उनका श्रीमती र २ छोरा छन् । त्यस्तै मृतकको शवलाई नेपाल ल्याउनको लागि दुतावाससंग कुरा भैरहेको वडा सदस्य भण्डारी बताए ।