काठमाडौं : नेपालमा कोरोना संक्रमितको संख्या ६ हजार २ सय नाघेको छ ।
एकै दिन थप ४५१ जनामा संक्रमण पुष्टि भएसँगै सोमबार नेपालमा कोरोना संक्रमितको संख्या ६ हजार २११ पुगेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
गौतमका अनुसार पछिल्लो २४ घण्टामा ५ हजार ३०६ जनाको पीसीआर परीक्षणका क्रममा ४५१ थपिएका हुन् ।
यस्तै सोमबारसम्म १ हजार ४१ डिस्चार्ज भएका छन् । पछिल्लो २४ घण्टामा थप ६७ जना जना उपचारपछि घर फर्किएका छन् । योसँगै विभिन्न अस्पतालको आइसोलेसनमा उपचारारत मानिसहरूको संख्या ५ हजार १५१ रहेको छ ।
सोमबारसम्म क्वारेन्टाइनमा बस्नेहरूको संख्या १ लाख ३३ हजार ८२९ जना रहेको दिइएको छ
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
