दाङमा त्रिशुल प्रहार गरी एक जनाको हत्या

दाङ : दाङमा त्रिशुल प्रहारबाट एक जनाको हत्या भएको छ । जिल्लाको बबई गाउँपालिका ३ धनबाँसका नारायण डाँगीलाई स्थानीय युवा बालाराम ओलीले त्रिशुल प्रहार गरि हत्या गरेको ईलाका प्रहरी कार्यालय तुलसीपुरका डिएसपी शिबबहादुर सिंहले जानकारी दिए ।

त्रिशुल प्रहारबाट गम्भिर घाईते डाँगीलाई उपचारका लागि तुलसीपुर ल्याउँदै गर्दा बाटोमै मृत्यु भएको सिंहले जानकारी दिए । स्थानीयहरुका अनुसार ओलीले गाउँमा रहेको मन्दिरको त्रिशुल उप्काएर डाँगीलाई प्रहार गरेका थिए । प्रहरीका अनुसार हत्याको कारण भने खुल्न सकेको छैन ।

डिएसपी सिंहका अनुसार त्रिशुल प्रहार गरेका ओलीले आँफूलाई समेत प्रहार गरेको र उनी पनि घाईते भएका छन् । उपचारका लागि तुलसीपुर स्थित प्रादेशिक अस्पतालमा ल्याईएको छ । त्रिशुल प्रहार गर्ने ओली क्वारेन्टाईनमा भान्से काम गर्दै आएका थिए ।