विद्यार्थीहरुलाई पाठ्यपुस्तक वितरण

शान्तिनगर : शान्तिनगर २ अमुवामा रहेको अम्बिकेश्वरी आधारभुत विद्यालयले कक्षा १ देखी कक्षा ८ सम्मका विद्यार्थीहरुलाइ यसै शैक्षिक सत्रको पाठ्यपुस्तक वितरण गरेको जनाएको छ ।

लकडाउनका कारण विद्यालय बन्द भएता पनि विद्यालयमा प्राप्त भएका पाठ्यपुस्तकहरु सामाजिक दुरी कायम गरी टोल टोलका विद्यार्थीहरुलाई वितरण गरिएको विद्यालयका प्रधानाध्यापक गफार मियाँले बताए ।

लकडाउनको कारण विद्यार्थीहरु घरमै खेलेर समय विताउने भएकाले उनीहरुले घरैमा अध्ययन गरुन् भनेर वितरण गरिएको समेत उनले बताए । ‘ विद्यालय बन्द छ, विद्यार्थीहरु घरमा खेलेर बसेका हुन्छन्,’ उनले भने,‘ विद्यालयमा आएका पाठ्यपुस्तक त्यतिकै राख्नु भएन्, विद्यार्थीहरुलाई प्रदान गरे उनीहरुले कम्तिमा २/३ घण्टा घरमै अध्ययन गरुन् भन्नेर वितरण गरिएको हो । ’

त्यसैगरी नर्सरी, एलकेजी र युकेजीका पाठ्पुस्तक विद्यालयमा नआएको समेत प्रअ मियाँले बताए ।