बंगलाचुली गाउँपालिकाले ८ वटै वडाहरुमा क्वारेन्टाईन स्थापना गर्ने

दाङ, दाङको बंगलाचुली गाउँपालिकाले कोरोना भाईरस (कोभिड–१९) को जोखिमलाई मध्यनजर गर्दै गाउँपालिकाको ८ वटै वडाहरुमा क्वारेन्टाईन स्थापना गर्ने निर्णय गरेको छ । गाउँपालिकाको बिहिबार बसेको गाउँ कार्यपालिका बैठकले ८ वटै वडामा रहेका विद्यालय तथा सार्वजनिक स्थानमा क्वारेन्टाईन स्थापना गर्ने निर्णय गरेको हो ।

जसअनुसार वडा नं.१ मा महेन्द्र मा.वि. स्यूजाको भवन, वडा नं. २ मा कालिका आ.वि. बढिपोखरा र एकिकृन नमुना बस्ती बढीपोखरालाई क्वारेन्टाईन बनाउने भएको छ । त्यसैगारी बंगलाचुली गाउँपालिका वडा नं. ३ मा महेन्द्र मा.वि.श्रीवारी र मा.वि मुलाबारी भेडाबारी,वडा नं.४ को महेन्द्र आ.वि.तापालाई क्वारेन्टाईन बनाउने भएको छ ।

त्यसैगारी वडा नं. ५ को सुधा मावि झेलनेटा,वडा नं. ६ को आधारभुत स्वास्थ्य केन्द्र भुतनेटा र चिउरीडाँडामा क्वारेन्टाईन बनाउने भएको छ । त्यसैगरी वडा नं. ७ देशान्तरी सामुदायिक भवन र सरस्वती मा.वि.जवरकोट र वडा नं.८ मा एकिकृत नमुना वस्ती हाँसीपुर र आ.वि. हाँसीपुरमा क्वारेन्टाईन बनाईने भएको छ । यसअघि बंगलाचुली गाउँपालिकाले वडा नं.४ को झुलिडाँडामा २० बेडको र वडा नं.८ को जनकल्याण प्रा.वि. हंसपुरमा १० बेडको क्वारेन्टाईन स्थापना गरीसकेको छ ।

यसैविच बैठकले गाउँपालिका भन्दा बाहिरबाट बंगलाचुली प्रवेश गर्नेहरुले अनिवार्यरुपमा सम्वन्धित वडाका अध्यक्षहरुलाई जानकारी गराएर मात्रै पालिका प्रवेश गर्न अनुरोध गरेको छ । विना कुनै जानकारी गाउँपालिका प्रवेश गर्नेहरुलाई अब गाउँपालिकाले क्वारेन्टाईनमा बसाल्ने निर्णय गरेको छ ।
गाउँपालिकामा अनावश्यकरुपमा छिमेकी उपमहानगर ,नगर तथा गाउँपालिकाबाट स्थानियहरु ओहोर दोहोर गरेको जनगुनासो बढेपछि गाउँपालिकाले यस्तो निर्णय गरेको हो ।

साथै गाउँपालिकाले गाउँपालिकामा रहेका वित्तिय संस्था,सहकारी संस्था लगाएतलाई बैठक भेला,तथा अन्य आर्थिक कारोबार नगर्न नगराउन निर्देशन दिने भएको छ । महामारीका बेला जनताको स्वास्थ्य अवस्थालाई मध्यनजर गर्दै कुनैपनि गतिविधि गर्न नदिने निर्णय गरेको हो ।